Komuna e Pejës është zhvilluar shumë sa i përket sektorit të turizmit, prandaj shumë qytetarë janë fokusuar në zhvillimin e aktiviteteve turistike si veprimtari primare. Në këtë komunë mbizotërojnë villat dhe stanet tradicionale nuk janë shumë të përhapura. Megjithatë, ende ekzistojnë fermerë që migrojnë së bashku me bagëtinë e tyre në bjeshkë dhe kanë  mungesë të theksuar të furnizimit me energji elektrike. Ushtrimi i kësaj tradite bëhet shumë atraktive veçanërisht për turistët e huaj që janë kureshtarë mbi këto zakone unike të vendit tonë.

Prandaj, potenciali i zhvillimit të turizmit malor në këto zona është i lartë, dhe Iniciativa për Zhvillimin e Bujqësisë së Kosovës (IADK) me qëllim të përfshirjes së transhumancës në ofertën e turizmit të Kosovës do të adresoj mungesën e energjisë elektrike duke furnizuar stanet tradicionale me sisteme solare. Kjo bëhet në kuadër të projektit “Transhumanca - ofertë e re turistike e Kosovës dhe Malit të Zi”, projekt dy -vjeçar (2020-2022), i financuar nga Bashkimi Evropian përmes programit IPA II të bashkëpunimit ndërkufitar në mes Malit të Zi dhe Kosovës.

Projekti do të përfshijë komunën e Istogut dhe atë të Pejës, dhe ka për synim përmirësimin e kushteve elementare për ofrim të shërbimeve ndaj turistëve.

Nё kuadёr kёtij aktiviteteti, në komunën e Pejës, kanë aplikuar gjithësej 40 kandiatë. Nё bazё tё kritereve tё pёrcaktuara në projekt, ёshtё bёrё pёrzgjdhja e 15 kandidatëve për t’i furnizuar me sisteme solare, 6 nga të cilët  të kapacitetit të lartë dhe 9 me kapacitet më të ulët.

Në tabelën e mëposhtme janë paraqitur fermerët e përzgjedhur (pronar të staneve) për furnizim me sisteme solare nga komuna e Pejës: