🎉Ceremonia e Hapjes së Njësisë së Përpunimit

Për realizimin e kësaj nisme, Elhamja është mbështetur me grant për hapjen dhe funksionalizimin e njësisë përpunuese, ndërsa paraprakisht ka përfunduar edhe trajnimin në organizatën IADK, duke fituar njohuri dhe aftësi të nevojshme për zhvillimin e mëtejshëm të veprimtarisë.

 

Ky grant dhe trajnimi kanë qenë një mbështetje e rëndësishme për konkretizimin e idesë së saj dhe për krijimin e një mundësie të re për zhvillim dhe punësim. Hapja e kësaj njësie është dëshmi e punës, përkushtimit dhe vullnetit për të ndërtuar një veprimtari të qëndrueshme dhe për të sjellë produkte cilësore.🤝

 

Në ceremoninë e hapjes morën pjesë familjarë, pjesëmarrës dhe bashkëpunëtorë. Me fjalë rasti u drejtuan drejtori i IADK-së, z. Zenel Bunjaku, dhe zyrtari komunal, z. Fatmir Feka.

 

🎉Urime Elhame Bllatës për këtë arritje dhe për hapin e ri në rrugëtimin e saj!

 

Ky aktivitet është realizuar në kuadër të projektit: “Fuqizimi i grave, burrave dhe të rinjve që jetojnë në zonat rurale me sfida ekonomike, të krijojnë mjete jetese të qëndrueshme nëpërmjet aktiviteteve bujqësore dhe të përpunimit të ushqimit”, i mbështetur nga donatori zviceran FRIEDA.