Prodhimi I mishit të gjelave të detit
Gjeli i detit është shpend i madh i cili kultivohet kryesisht për mish dhe mishi i tyre bënë pjesë në kategorinë e mishit me cilësor për shkak të përmbajtjes së proteinave dhe nivelit të ulët të yndyrës dhe kolesterolit. Në të kaluarën mishi i gjelit të detit është përdorur më shumë për festa të ndryshme kurse tani përdoret edhe gjatë tërë vitit në pjesë të ndara dhe i përpunuar.
Shumimi i gjelave të detit – mënyra tradicionalePranvera është sezoni më i mirë për çelje dhe shumim natyror për kultivim tradicional të gjelave të detit. Është mirë që vezët për çelje mos të merren më të vjetra se 4 ditë por nëse janë të ruajtura mirë në temperaturë 15-18 °C dhe lagështi 75-80 % lagështi relative mund të përdoren edhe vezët e vjetra 10-14 ditësh.
Gjatë çeljes natyrore dhe kultivimit të zogjve në javët e para të jetës duhet pasur kujdes sepse zogjtë janë shumë të ndjeshëm. Pula e detit e cila ka çelur zogjtë kujdeset për të vegjlit i mban ngrohët ata dhe i mbron nga grabitqarët. Vëmendje të posaçëm duhet kushtuar hapësirës ku ata mundë të kalojnë rehat natën dhe të jenë të mbrojtur nga të ftohtit por edhe nga grabitqarët e ndryshëm ku pula e detit nuk mund ti mbron natën.
Prodhimtaria e mishit të gjelit të detit
- trashja e gjelit të detit - mënyra ekstensive
- trashja gjelit të detit – mënyra intensive, brojlerët
- trashja pulave dhe gjelave të detit pas shumimit
Trashja e gjelave të detit në mënyrën ekstensiveKohëzgjatja e trashjes ekstensive e gjelave të detit është e ndryshme dhe varet nga pesha e preferuar. Në shumë raste gjelat e detit trashen prej 24-32 javë të moshës. Gjatë 60 ditëve të para zogjtë ushqehen sikur zogjtë për shumim kurse prej 60-150 ditëve kultivohen në kullose me ushqim të përzierjeve të koncentrateve varësisht nga cilësia e kullosës. Kurse pas ditës së 150 gjelat e detit ushqehen në mënyrë intensive me racione të plot për 60 ditë. Gjatë kësaj kohe gjelat arrijnë peshë deri 5-9 kg.
Me rendësi është të përmendet që te ky sistem i trashjes për kilogram peshë harxhohen rreth 4
kilogram ushqim.
Trashja e gjelave të detit në mënyrën intensive
Trashja e gjelave të detit në mënyrë intensive apo brojlerëve nënkupton trashjen e dy gjinive që nga dita e parë e jetës së tyre deri në javën 12-16 kur ata arrijnë peshën 4-6 kg. Mishi i prodhuar në ketë mënyrë është i butë i lëngshëm dhe i shijshëm, dhe trashja është e shpejt dhe ekonomike sepse për 1 kilogram të fituar harxhohen 2.5-3 kg ushqim. Ushqimi duhet tu jepet në sasi të mjaftueshme dhe është mirë që ushqimi i koncentruar të jetë i peletuar me dimensione varësisht nga mosha e tyre.
Trashja e pulave të detit pas shumimitKjo trashje bëhet pas përfundimit të vezëve apo pas procesit reproduktiv të dy gjinitë dhe qëllimi i trashjes së tille është që të trashen pulat e detit që kanë qenë në gjendje efektive të shumimit gjatë ciklit prodhues. Kjo trashje arrihet shpesh vetëm me misër dhe me kullos ku në një hektar mund të vendosen 100-200 krerë. Mishi i fituar në ketë mënyrë është i cilësisë së mirë sepse bëhet fjalë për pula dhe gjela deti të vjetër një vit.