Sëmundja shkaktohet nga kërpudha, Ascosphaera apise, e cila prek larvat e pavulosura 3-4 ditësh.   Sëmundja transmetohet tek  bletët me anë të sporeve përmes ushqimit, ku sporet depërtojnë në organet e tretjes, grumbullohen në zorrët e mesme dhe në qeskën e mjaltit.   Për paraqitje të sëmundjes duhet të  përmbushen  disa kushte që janë të favorshme për rritjen e sporeve dhe krijimit të sëmundjes askosferoza. Kushtet e pafavorshme në koshere siç  janë:  lagështia e rritur, ushqimi i varfër (shumë mjaltë nga sakarina), mungesë e  proteinave, ventilimi i dobët dhe koha e ftohtë. E gjithë kjo favorizon zhvillimin e shpejtë të larvave fungale në kohë rekord paraqitët  miceli (hifet e kërpudhave), duke shkaktuar  vdekje të shpejtë të larvave të bletës. Sëmundja sulmon larvat në ditën e tretë-katërt të jetës. Simptomat e para janë të dukshme në larvat e reja. Fillimisht larvat me infeksion marrin ngjyrë të zbehtë të verdhë, të butë, të qetë, duke ndryshuar formën, larvat humbin lagështin e trupit zvogëlojnë përmasat e trupit dhe  në fund duken si gëlqere apo shkumës. 

Larvat e vdekura bletët i hedhin në verandë dhe sëmundja paraqitët gjithmonë gjatë periudhës kur ka pjellje.

Përhapja e sëmundjes mund të bëhet  nga bletarët, bletët, varoa, era, uji i ndotur dhe është shumë me rendësi të dihet nga fermerët që paraziti e ruan vitalitetin deri 15 vite në tokë. 

 

Luftimi i kësaj sëmundje bëhet duke krijuar kushte të volitshme si ventilim të mirë të kosheres, ushqim të shëndetshëm, ndërrimi i ëmës etj. Kurse pjesët e infektuara të folesë, e në raste të infeksionit të madhe të shoqërisë, atëherë bletët duhet të vendosen në shtëpizë të re dhe të dezinfektuar.

Kjo sëmundje luftohet edhe me përdorimin e antibiotikeve  siç janë: Geramicin streptomicina teramicin etj. Sikur edhe te luftimi i sëmundjeve tjera, antibiotiket përzihen me sherbet dhe në një litër vendoset 1 gr antibiotik i lartcekur dhe bletëve ju jepet në sasi të vogël nga 200 mil çdo të dytën ditë në mënyrë që bletët ta konsumojnë të tërin për tu ushqyer dhe jo për të deponuar sasi të antibiotikut.