Iniciativa për Zhvillimin e Bujqësisë së Kosovës (IADK) është organizatë joqeveritare që angazhohet për krijimin e një mjedisi më të zhvilluar socio-ekonomik në zonat rurale duke mbështetur aktivitetet bujqësore, ri-integrimin e njerëzve të kthyer, zbutjen e varfërisë, zvogëlimin e importit, promovimin e praktikave të mira bujqësore, zvogëlimin e papunësisë duke përfshirë të gjitha grupet shoqërore pa dallim feje, etniteti apo gjinie.

IADK është duke zbatuar projektin “Fuqizimi i të rinjve dhe grave nga zonat rurale për angazhim në bujqësi dhe përpunim të ushqimit”, i financuar nga CFD, ku objektivi i përgjithshëm i projektit do të fokusohet në çështjet si vijon:

• Ngritjen e kapaciteteve profesionale e grave/burrave dhe të rinjve
• Fuqizimin e grave/burrave dhe të rinjve drejt gjenerimit të të ardhurave
• Integrimin e grave/burrave dhe të rinjve në aktivitete socio-ekonomike përmes krijimit të lidhjeve me akter përkatës nga sektori publik dhe priva

IADK do të angazhojë një “Menaxher/e të Projektit” për projektin që është duke zbatuar.
1. Titulli i vendit të punës:                      “Menaxher/e i/e Projektit”
Vendi i punës:                                           Sfaraçak i Ulët nr. 11, 42 000 Vushtrri
Kohëzgjatja:                                              31.12.2023 me mundesi vazhdimi
Orari i punës:                                            Jo i plote
Data tentative e fillimit të punës:            10.06.2023
Përshkrimi i punës:
Menaxheri/ja i/e Projektit në këtë angazhim të projektit do të ketë përgjegjësinë e përgjithshme për zbatimin e suksesshëm të projektit të lartcekur (por jo vetëm) në koordinim me Drejtorin Ekzekutiv të IADK-së. Përgjegjësitë përfshijnë, por nuk kufizohen në:

Detyrat dhe përgjegjësitë

• Të menaxhojë dhe koordinojë të gjithë mbarëvajtjen e projektit
• Të menaxhojë dhe koordinojë punët e punonjëseve të projektit
• Të prezantojë projektin tek palët e interesit
• Të menaxhojë punët dhe komunikimin me donatorët, partnerët, bashkë-aplikuesit dhe komunat ku shtrihet projekti
• Të sigurojë dukshmërinë e projektit dhe të komunikojë me media dhe palët në interes
• Në mënyrë aktive të marrë pjesë në monitorimin e të gjitha aktiviteteve të projektit
• Të përgatis dhe finalizojë të gjitha raportet e IADK-së, në baza të rregullta
• Të përgatis materialet për publikim, fletëpalosje/broshura
• Të përcjellë pagesat dhe menaxhimin e buxhetit
• Të koordinojë dhe të marrë pjesë në takimet e rregullta me palët në interes & zyrën IADK-së
• Të identifikojë dhe propozojë aktivitete të reja për projekte
• Të identifikojë ekspertët potencial të cilët do të angazhohen në projekt
• Të jetë efikas në zbatimin e të gjitha aktiviteteve të lartcekura në kuadër të projektit

Kualifikimet dhe kompetencat kryesore:

• Diplomë universitare Ekonomisë, Bujqësi, ose te ngjashme
• Së paku 3 vite përvojë pune në menaxhimin dhe/ose ne menaxhimin e projekteve (e preferuar me projekte me donator)
• Përvojë në komunikim me media dhe publikun
• Përvojë administrative dhe njohuri në menaxhim me resurse njerëzore dhe legjislacion
• Përvojë në raportim, monitorim dhe vlerësim
• Aftësi për të udhëhequr një ekip dhe aktivitetet në kuadër të projektit
• I/e gatshme të vlerësojë dhe ndërmarrë iniciativa lidhur me situatat komplekse të projektit
• Aftësi negociuese dhe bindëse për të përfaqësuar interesat e projektit
• Fleksibilitet në analizimin dhe vlerësimin e çështjeve
• Aftësi për hulumtim, analizë dhe përpilim të shkresave dhe dokumenteve të ndryshme
• Aftësi të mira organizative dhe vetë-motivuese
• Aftësi për punë në ambient multietnik
• Aftësi për punë me qetësi nën presion të kohës
• Njohuri të mira në paketën Microsoft Office
• Të flasë dhe të shkruajë mirë gjuhët: Shqip, Anglisht dhe Serbisht (e preferuar)
• Të posedojë patentë shofer dhe te këtë përvojë

Të interesuarit mund të aplikojnë duke dërguar:
- CV-në;
- Një letër motivuese;
- Kopjet e diplomave universitare;
- Çertifikatat përkatëse të trajnimeve të ndryshme, dhe
- Referencat
Kandidati/ja e përzgjedhur duhet të sjelle:
- Çertifikatën nga gjykata që dëshmon se nuk jeni nën hetime, dhe
- Çertifikatën e gjendjes shëndetësore

Dokumentet e lartpërmendura duhet të sjellen direkt në zyrat e IADK-së Sfaraçak i Ulët nr.11 Vushtrri, ose përmes e-mailit prokurimi@iadk.org , më së largu deri më 29.05.2023, ora 16:00
Personi kontaktues: Adisa Osmani - Zyrtare për Prokurim & Administratë, tel. +385 49 777 059
IADK inkurajohen veçanërisht gratë/vajzat e kualifikuara dhe kandidatet nga komunitetet jo shumice të aplikojnë!
Shënim: aplikacionet e pa kompletuara nuk mund të konsiderohen për listën e ngushtë!
Vetëm kandidatët e përzgjedhur në listën e ngushtë mund do të ftohen për intervistë.