Përzgjedhen 27 përfitues të granteve për vetëpunësim dhe start-up nga Mitrovica e Jugut dhe Shtime të cilët kanë kryer me sukses kursin për “vetëpunësim” në qendrat e aftësimit profesional në Mitrovicë dhe Ferizaj dhe kanë aplikuar me plan biznesi për idetë e tyre.

Nё bazё tё kritereve tё pёrcaktuara të vlerësimit, 27 përfituesit e përzgjedhur do të kenë mundësinë të përkrahen financiarisht me grante në vlerë prej 3,000 Euro për Vetëpunësim dhe 5,000 Euro për Start-up.

Gjatë periudhës së aplikimit, IADK ka pranuar gjithsej 40 aplikacione të cilët kanë kryer me sukses kursin për “vetëpunësim”. Afati i fundit për dorëzimin e propozimeve për këta aplikues ka qenë data 21 Janar 2022. Në tabelën e mëposhtme janë paraqitur përfituesit për të dy komunat të ndarë me pakot për Vetëpunësim dhe Start Up. Numri i përfituesve final të këtyre granteve kufizohet me fondet në dispozicion dhe për këtë arsye kandidatët me pikët më të larta janë përzgjedhur për financim.

Gjatë javës së ardhshme do të ftohen përfituesit e përzgjedhur të vijnë në zyret e IADK-së në Sfaraçat të Ulët në Vushtrri për t’i definuar detajisht pakot e propozuara që do të financohen për secilin përfitues.

Ky aktivitet realizohet në kuadër të projektit “Mbështetja në punësimin e të rinjëve dhe grave në zonat rurale përmes zhvillimit të bujqësisë”, projekt dy vjeqar (2020-2022) financuar nga Zyra e Bashkimit Evropian në Kosovë.

Njëkohësisht, IADK pranon sqarimet (ankesat) që mund të vijnë nga kandidatët / aplikuesit në adresën zyrtare: info@iadk.org dhe argjend.gj@live.com . Afati i fundit për të dërguar ankesat është data 22 Shkurt 2022.

Komuna Shtime / Thirrja e Dytë

Komuna – Mitrovicë / Thirja e Dytë