IADK ka për qëllim të përmirësojë aftësinë e punësimit përmes krijimit të mundësive për punë si dhe ofrimit të kushteve të përshtatshme për gjenerimin e të ardhurave përmes mbështetjes me grante.

IADK së bashku me drejtoritë për bujqësi nga komuna e Lipjanit dhe Vushtrrisë kanë bërë përzgjedhjen e 18 përfituesëve të granteve për vetëpunësim të cilët kanë kryer me sukses trajnimet 5 ditore, pas të cilave edhe janë certifikuar për trajnimet e ndjekura.

Nё bazё tё kritereve tё pёrcaktuara në projekt, 18 përfituesit e përzgjedhur kanë fituar mundësinë të mbështeten me grante bujqësore në vlerë 2,500€. Paketa e grantit është e hapur, prandaj të rinjtë do të aplikojnë me idetë e tyre, por gjithmonë idetë e tyre duhet të jenë në zhvillimin e bujqësisë.

Rezultati i pritshëm i këtij aktiviteti çon në krijimin e të ardhurave dhe mundësinë e punësimit.

Ky aktivitet realizohet në kuadër të projektit “Fuqizimi i të rinjve dhe grave të zonave rurale për përfshirje në bujqësi dhe përpunim të ushqimit” , i përkrahur nga Donatori CFD nga Zvicra.